La pêche aux oursins est ouverte en Corse (et elle demeure très réglementée)
Hè aparta, chì sò uni pochi di ghjorna, a pesca à i zini in Corsica. L’affari durarà sinu à u 15 d’aprili. I ricci marini sò particularmenti priziati da i corsi, è masimu da l’aiaccini. A brigata nautica ramenta tandu ch’issa pesca hè bedda arrigulata : i prufiziunali poni piscà 500 duzeni à navi è à sittimana. Par quidd’altri, ùn si poni francà i trè duzeni à chjocca, rispittendu un diametru di 5 cm, cacciati i pruni. Ben’intesa, ùn sò chè i prufiziunali ad avè drittu à venda li.
In casu d’infrazzioni à issi reguli, ci hè u risicu d’una cuntravinzioni pinali di quinta classa, cù 1 500€ d’amenda (3 000 par casu ch’idda ricadi a parsona)
Sur le même sujet
