Le Direct

La pandémie de Covid-19 est la pire crise mondiale depuis 1945, selon l'ONU

Ùn sarà chè una grippa, u Covid19 ? Issi paragoni bambii sò oramai guasgi spariti à nantu à i reti suciali. Oghji, mentri ch’idda cresci è si sparghji in u mondu intrevu a pandemia, u sicritariu ginirali di i Nazioni Uniti n’hà chjamatu à « a sulidarità è à l’accolta di tutti, lachendu corra i calculi è ghjochi pulitichi, capindu bè chì l’umanità hè in piriculu ».

Antonio Gutteres hà dittu ch’issa crisa sanitaria hè a crisa a più pessima dipoi a Siconda Guerra Mundiali. Hà dittu ancu ch’iddu timia di veda nascia cunflitti tantu è più in u mondu.

Issa paura, a ghjustifichighja cù « u mischiu d’una malatia minacciosa par tutti à un disturbu ecunomicu maiori, chì porta à una ricissioni senza para, mai vista in un passatu vicinu ».
« U mischiu d’issi fattori, u risicu di veda crescia l’instabilità, a viulenza, i cunflitti » facini d’issa crisa « a sfida a più maiori par no’, dipoi a Siconda Guerra Mundiali » hà dittu Antonio Gutteres.