La motion sur la transparence en politique par J-F Casalta rejetée par Femu a Corsica et les groupes de droite
A muzioni sposta da Jean-François Casalta, elettu PNC candidatu à a mirria d’Aiacciu, calchì effettu l’avarà fattu. È hà ancu lacatu veda calchì sfilatura di più, in u muru lla maiurità tarrituriali.
A muzioni, chì trattaia di a chjarura in a vita pulitica è prupunia parichji misuri, ùn hè stata vutata. « Andà par Dumani » ùn hà participatu à u votu, « Corsica Libara » è u « PNC » ben’intesa l’ani vutata, ma u gruppu « Femu a Corsica », aiutatu pà issu votu da i dui gruppi di dritta, hà vutatu contru.
Hyacinthe Vanni, à nomu di « Femu a Corsica », dici ch’idd’ùn voli chì l’assemblea duventi una tribuna pà i municipali.
Stemu lu à senta.
Julia Tiberi, pà u « PNC », hà difesu issa muzioni, dindu chì ùn vutendula, si nuciaria à l’imagina lla « casa di cristallu ».
Stemu la à senta.
Infini Gilles Simeoni, da prisidenti di l’esecutivu ch’iddu hè, hà presu a parolla. Par iddu, issa quistioni ben’intesa devi essa trattata in un dibattitu fundiatu, ma par avali ùn hè u mumentu, masimu chì i misuri pruposti vani troppu luntanu, à ciò ch’iddu li pari.
Stemu lu à senta
