La Maison Médicale de Garde d'Aiacciu suspend ses activités; ses médecins en renfort des équipes COVID
(A ridazzioni d'Alta Frequenza) - A Casa Midicali di Guardia d’Aiacciu hè pronta à pittughjà si à l’epidemia di u coronavirus.
U duttori Laurent Carlini hà suspesu, par un tempu, l’attività urdinarii d’issa casa, da metta si à dispusizioni di i sirvizii COVID+ di u spidali d’Aiacciu.
7 di i 14 duttora ch’intarvenini di regula, in issa struttura, ani da piddà guardii in u sirviziu COVID di a Misericordia, longu à issu mesi d’aprili, inveci di piddà li à a Casa Midicali.
Laurent Carlini, giniralistu è urgintistu, si hà buscu l’accunsentu lla dirizzioni llu spidali, pà issu trasfirimentu di mezi umani. Sei di i so culleghi l’ani suvitatu in sta dimarchja.
I squadri di a Casa Midicali di Guardia sò dunqua in piazza, oramai, in cori à l’ufferta di sanità ginirali.
U duttori Laurent Carlini ci spieca u parchì d’issa dicisioni, è à tempu issa nova urganisazioni.
Sur le même sujet
