La lettre de Gilles Simeoni aux militants de Femu A Corsica
(A ridazzioni d'Alta Frequenza) - Mentri chì u PNC teni a so assemblea ghjinirali sabbatu in Corti, Gilles Simeoni scrivi una lettara aparta à i militenti è membri di Femu a Corsica. Pricisa d’altrondi ch’idd’hè u currieri d’un militenti, è micca quiddu llu prisidenti di l’esecutivu. Gilles Simeoni ramenta chì u votu unanimu d’uttrovi passatu, chì cunvalidaia a criazioni di Femu a Corsica, dendu li « statuti, cartula etica, è muzioni d’uriintazioni pulitica », vali fini difinitiva di l’anziani strutturi. À veda riaffaccà iss’anziani strutturi, hè dunqua quant’è à rinculà di pettu à l’ingagiamenti chì sò stati presi. Saria dinò quant’è à vultà in daretu di pettu à i scumissi chì ci aspettani. Saria sbagliu puliticu di ritirà si à nantu à partiti o appillazioni anziani, è ni sariani dillusi i corsi chì ci ani sceltu da riprisintà li. Di a listessa manera, saria un sbagliu di ripruducia in cori à Femu a Corsica l’anziani raporti di forza, dici Gilles Simeoni. Dici d’altrondi ch’iddu hà da prupona à a cuurdinazioni di Femu di scedda, pà iss’istati, a data d’un’assemblea ghjinirali.
Sur le même sujet
