La LDH milite pour le droit à des élections honnêtes
(A redazzioni d'Alta Frequenza) - « Pà u dirittu à alizzioni unesti » ! Eccu a rivindicazioni di a sizzioni Corsica di a Liga di i Diritti di l’Omi chì hà urganizatu una cunfarenza di stampa in fin di sittimana. Si trattava di vultà in particulari annant’à l’annulazioni di i municipali d’Aiacciu di marzu scorsu da u tribunali amministrativu di Bastia, è di metta in risaltu i rispunsabilità di u Statu. Dopu essa stata chjamata da a sizzioni isulana, a LDH naziunali hà mandatu un mesi fà à pocu pressu una lettara à u ministru di l’Internu Bernard Cazeneuve cuncirnendu ss’affari quì. A Liga faci una critica di l’amministrazioni pà ciò chì tocca l’arrighjistramentu di i prucurazioni da l’autorità cumpetenti, u cumissariatu d’Aiacciu par asempiu, com’ella hè stata scritta da u rapurtadori publicu. Atti gravi chì custituiscini una negazioni di a demucrazia pà a LDH chì hà dumandatu à u ministru ch’ella sighi aparta un’inchiesta annant’à ssi fatti è annant’à i rispunsabilità di tuttu ognunu. Dipoi chì ssa lettara hè stata mandata, ùn c’hè stata nisun risposta di a Piazza Beauvau, mentri chì a Liga di Corsica hà mandatu un’antra lettara nant’à a prublematica di a gistioni di i listi eletturali di manera più glubali.
Steti à senta à André Paccou, pà a LDH Corsica.
Sur le même sujet
