Le Direct

La LDH Corse présente ce samedi à Bastia pour défendre les arrêtés Miot

(A redazzioni d'Alta Frequenza) - L’Assemblea di Corsica hà dunqua aduttatu arisera (ghjovi), dopu à un novu dibattitu nant’à l’arresti Miot una nova deliberazioni sottu à a forma di una chjama sulenna à u guvernu. Di pettu à a gravità di a situazioni, i 51 cunsighjeri dumandani à essa ricivuti à lestra da u primu ministru ; dumandani a missa in ballu in furia di una misura cunservatoria. Nant’à u fondu, volini a missa in opara di un regimi fiscali specificu di i mutazioni di gratisi adattatu chì s’arremba frà altru nant’à a cuntribuzioni di i grossi patrimonii, parmittendu à a Corsica di lià ghjustizia fiscali è ghjustizia suciali, prutezzioni di u patrimoniu fundariu è immubiliari, è sviluppu ecunomicu. L'infrasata hè difficiuli à dì ma hè ancu di più impurtanti di leghja la bè. In fatti, ogni parolla hè stata assai riflittuta, analizata, dibattuta, pà uttena l’accunsentu di tutti, ciò chì hà duratu una bella parti d’eri dopu meziornu. Trè mudificazioni erani in dibattitu in fatti, è erani mudifichi chì duviani urientà di manera significativa u testu. U primu ghjunghjia da u gruppu cumunistu è front de gauche. A rifarenza nant’à a cuntribuzioni di i grossi patrimonii hà suddisfatu assai u gruppu, ciò chì hà fattu dì à Camille de Rocca Serra chì si trattava di un votu « ghjinirosu ». È issa ghjinirosità quì cunvinia tutalmenti à Michel Stefani. A Lega di i Diritti di l’Omi hà integratu à partasi di a so criazioni u cullettivu di a sucità civili ; era prisenti in principiu di settimana pà a cunfarenza di stampa di u cullettivu è sarà in Bastia sabbatu. Pourquoi ?

Écoutons André Paccou.