Le Direct

La fête du sport de la Communauté d'Agglomération de Bastia est de retour

Com’è tanti altri manifistazioni publichi, a festa di u sport di a cumunità d’agglumirazioni bastiaccia ripidda fiatu, dopu à dui anni marcati da u COVID.

Arimani ed oghji, i sculari sò stati invitati à scopra i sport à nantu à u stadiu di Vulpaghju. Ghjovi, sarà fattu contu resu di l’assisi di u sport. Sabbatu da quattru ori à novi ori di sera, è duminica da novi ori di mani à sei ori di sera, u paesu di i sport hà da ritruvà a piazza San’Niculaiu : circa cinquanta squadri ci sarani riprisintati.

Manon Venturi è Lucas Vallicioni ani da fà cumparizia à issa festa di u sport, ind’iddu sarà resu umaghju à Jacques Zimako, unu di i ghjucadori di lighjenda di u SEC Bastia, sparitu ch’hè pocu.

In cori à a CAB, l’attrazzi spurtivi ghjovani par circa  40 000 ori ugni annu, aprudati da squadri chì contani 10 000 licinziati, malgradu i danni di u COVID.

Steti à senta à Louis Pozzo di Borgo, u prisidenti lla CAB, chì parla dinò di i travaddi avviati è di quiddi à vena, à liveddu di l’attrazzi spurtivi