La Corse en vigilance orange pluie-inondations et vents violents jusqu'à ce mardi en début de soirée
Meteò france hà missu a Corsica in vighjulanza arancina sinu à marti à ottu ori di sera, parvia di u risicu di pieni, scurruttoni è vintulioni.
À senta ni à Meteo france, pudaria piova più forti in sirintina, par tutti i sarri muntagnoli di l’internu. I scurruttoni pudariani curra par tutta l’isula tocca a mità di a notti. Pudariani falà da 30 à 50 mm d’acqua à l’ora, è i buffulati llu ventu pudariani tuccà i 90 o 110 chilomitrà à l’ora.
Issi scurruttona duvariani escia via u Livanti in a siconda parti lla notti.
Da luni u 21 di nuvembri à 3 ori llu dopu meziornu, sinu à marti u 22 à meziornu, pudariani falà in tuttu da 60 à 80 mm d’acqua, in gran’parti à Punenti. In muntagna, si pudariani tuccà i 90 o 120mm.
Un meddu ci duvaria essa marti u 22, in dopu meziornu, chì u timpurali duvaria filà versu l’Italia.
Marti, u marittonu à Meziornu à Punenti di matinata, è à Punenti in ghjurnata pudaria disturbà a cursa lli fiuma.
Marti sempri, u ventu di Punenti duvaria curra par tutta l’isula, filendu da 80 à 100 chilomitra à l’ora ; pudaria piddà forza in matinata è tuccà i 80 o 100 chilomitra à l’ora à nantu à una gran’parti di l’isula. À locu à locu, masimu pà issi capi è foci, pudaria ancu tuccà i 140 chilomitra à l’ora.
U vintulionu si duvaria appacià pianu pianu marti in sirintina.
