La Corse en vigilance Orange - orages, pluie inondation - à compter de ce vendredi soir 21h00
A Corsica sarà in vighjulanza arancina à parta si da vennari, à 9 ori di sera, parvia d’un risicu di pieni è scurruttoni.
L’acquati, ghjunti da u Maritarraniu, tuccarani a Corsica à Liventi. Pudariani piddà forza in prima notti.
In pocu tempu, falarani da 30 à 50 mm d’acqua, in gran’parti in u Meziornu è à Liventi. L’affari pudaria durà tutta a ghjurnata di sabbatu.
S’aspettani da 50 à 80 mm d’acqua in piaghja à Liventi, è da 100 à 150 mm in muntagna. Si pudaria ghjunghja à 250 mm, o ancu di più.
A nivi s’affaccarà tocchi i 2 000m.
U tempu si duvaria appacià in a siconda parti lla notti, trà sabbatu è duminica.
