La Corse du Sud en vigilance Orange pour le risque Vent
(A ridazzioni d'Alta Frequenza) - U Pumonti hè missu in vighjulanza arancina parvia llu risicu di ventu sinu à 4 ori llu dopu meziornu. Dici Meteo France ch’iddu si hè aghjà pisatu, duminica in dopu meziornu, u venti à Liventi, è chì certi buffulati toccani i 110 chm à l’ora in Bucugnanu, i 80 in Quenza è Ficari, i 60 à 70 in Sampolu. Issu ventu, chì tira à buffulati, hà da piddà forza duminica à sera, par ghjunghja à tuccà i 110 o 130 chm à l’ora à punenti llu Pumonti, versu Sartè è Ficari, in i cristi, i vaddi è u bor’di mari à punenti, versu u Vaddincu. Tocca à ugnunu à fà à veru attinzioni. U ventu duvaria calà da luni dopu mezironu à luni à sera.
