La Collectivité de Corse veut relancer la filière bois-énergie
(A redazzioni d’Alta Frequenza) - Da rilancià a filiera legnu-energia nant’à l’isula, a Cullettività di Corsica, in cullaburazioni cù l’ADEME è EDF, hà lanciatu chì hè pocu una chjama à l’ufferta pà 25 scaldatoghji à legni da arricà caldu à i cullettività. Si tratta di scaldatoghji nova ghjinirazioni chì à u nivellu di a pruduzzioni sò vicini à i parfurmenzi di i scaldatoghji chì viaghjani à u gaz o à u fuel. Usu di granelli, caricamentu automaticu, eliminazioni di u fumi, in ogni lochi di u mondi issi reti di caldu si sviluppani, è a Corsica, di pettu à i so capacità impurtanti in materii primi, ùn pudia firmà à u scartu di iss'evuluzioni quì. Pà u cuntestu energeticu isulanu, i vantaghji sò à parechji : u legnu hè pruduttu quì, riduci a dipindenza à u fuel è à l’elettricità, parmetti a maestria glubali di i cunsumazioni energetichi. S’è a Corsica t’hà oghji 30 anni di sparienza nant’à a scaldatrici à legnu di Corti, ci voli à dì chì dipoi più di 10 anni più nulla hè statu fattu inde issu settori. Deci scaldatrici à legnu cullettivi viaghjani nant’à l’isula, ma i capacità sò maiò parchì chì a furesta ùn hè sfruttata, ciò chì hà purtatu EDF à impegnà si ind’a dimarchja.
Ecoutez Augusto Suarez, adjoint du directeur régional d'EDF.
Sur le même sujet
