La Chambre d'Agriculture de Haute-Corse et la FDSEA de Haute-Corse pour une traçabilité des bovins mais contre le puçage obligatoire
Sò uni pochi di ghjorna ch’iddi sò impinsiriti i vaccaghji : a Corsica hè stata scelta da metta à u provu u marcu elettronicu, via u sistema BOLUS.
U marcu, ublicatoriu pà i vaccini, hè piazzatu in u stomacu di vacchi è viteddi di più di sei mesa, è hè ricuparatu dopu sbattuti l’animali.
Toccu u 2026, u vaccaghju ch’ùn avaria missu l’affari à tutta a so banda, in u quadru d’un’uparazioni di 5 miliona finanzata da u statu, ùn pudaria più pratenda à l’aiuti agriculi.
L’affari ùn incanta tantu a camara d’agriculutura è a FDSEA di u Cismonti.
À senta li, a Corsica hè scelta pà metta à u provu issi sistema chì hè a paganaccia d’una riputazioni vechja.
Pricisendu ch’idd’hè difficiuli è dulenti pà l’animali a missa in piazza d’issu dispusitivu, dicini a camara è u sindicatu chì i vaccaghji duvariani pudè scedda u metudu di tracciabilità. U metudu cù l’ADN saria menu caru, menu dulenti pà l’animali è più efficaci.
Steti à senta à Joseph Colombani, u prisidenti lla Camara d’Agricultura llu Cismonti.
