La CCI de Corse et les socioprofessionnels remontés contre les annulations de vols d'Air France
Marcuri, erani beddi annarbati i prufiziunali chì si sò ritrovi, à l’iniziativa lla Camara di Cumerciu è d’Industriu lla Corsica.
Pà u mesi di ghjunghju, u trafficu aerianu versu a Corsica hè calatu monda, parvia di u COVID : i passaghjera sò 80 % di menu in l’aeruporti di l’isula.
Ed hè in issi cundizioni chivi chì a cumpagnia Air france hà annulatu monda ligni à distinazioni lla Corsica : ci n’hè 32 di menu chì sarani purtati da issa cumpagnia, è a calata tocca 130 000 passaghja ch’erani privisti di maghju.
Frà issi 130 000 passaghji annulati, ci sò i 46 700 à parta si da l’aeruportu di parigi Charles-de-Gaulle. Dighjà, erani calati bè i passaghja, di pettu à i 93 000 passaghji d’annu.
Parvia d’iss’affari, i prufiziunali dumandani à essa ricivuti da i rispunsevuli d’Air france in carica llu sirviziu lla Corsica.
Annulati ch’iddi sò i voli, sò ancu annulati i risirvazioni, in un cuntestu chì hè aghjà beddu dilicatu pà l’ustaria. Quissa, a ci spieca Karina Goffi, a prisidienti di l’UMIH llu Cismonti
À senta ni i prufiziunali, st’annulazioni ani da pisà à nantu à a ripresa di l’ecunumia, è dunqua à nantu à i impiechi.
Steti à senta à Charles Zuccarelli, pà u MEDEF
