L'UFC-Que Choisir présente la "fracture sanitaire" de la Corse
(A redazzioni d'Alta Frequenza) - L'UFC-Que Choisir di Corsica Suttana tinia stamani (marcuri) una cunfarenza di stampa in Aiacciu, cunsacrata à l'accessu à i curi in Corsica. I risultati di una grandi cunsultazioni naziunali, pighjendu in contu l'aspetti finanziariu è geugrafficu, sò stati annunziati. A lucalisazioni è i prezzi praticati da i medichi di quattru spicialità (ghjiniralisti, oftalmolugisti, pediatri è ginecologhi) sò stati studiati, è si custata inde certi zoni, a maiò parti ind'u rurali, un disertu medicali è onorarii trapassati pà certi medichi impurtanti. Di fattu in Corsica, 16% di a pupulazioni campa ind'un disertu medicali pà i ghjiniralisti, 29% pà l'oftamologhi, 30% pà i ginecologhi è 35% ùn pò acceda inde cundizioni boni à a spicialità pediatrica, è issi sciffri crescini assai pà qualsiasi parsona inde l'impussibilità di tularà qualsiasi onorariu trapassatu, cù cità tocchi com'è Calvi o Prupià par asempiu. Da arrigulà issa situazioni prublematica, l'UFC di Corsica Suttana pruponi issi suluzioni : cunvenziunamentu selettivu di i medichi, riduzzioni di l'aiuti publichi à i medichi stallati ind'i zoni dighjà carchi, è stabiliscia una limita à l'onorarii chì poni essa trapassati. Idei chì sarani trasmessi à i parlementarii isulani, chì ani da discorra di u prughjettu di legi di finanziamentu di a securità suciali.
Écoutez Marc Jouatte, président de l’UFC-Que Choisir de Corse-du-Sud.
Sur le même sujet
