L'observatoire territorial des violences faites aux femmes en Corse a été installé
Marti, in Bastia, hè statu missu in anda l’ussirvatoriu tarrituriali lli viulenzi fatti à i donni pà a Corsica.
Sò aghjà parichji anni ch’iddu si ni parla. Ci si duvariani ritruvà a cullittività lla Corsica, i sirvizia llu statu, i forzi di l’ordini o ancu l’attori assuciativi.
L’ughjittivu d’issa struttura hè d’avè a risposta più bona da aiutà i donni vittimi di viulenzi, ch’idda sichi in a so prutizzioni o in a riprissioni di quiddi chì portani issi viulenzi.
Cù 75 000€ cunsacrati à u so funziunamentu, è dui parsoni chì li sò didicati à tempu pienu, l’ussirvatoriu hà da difinì, in i sittimani à vena, comu avvià a so azzioni.
Steti à senta à Lauda Guidicelli, a cunsigliera esecutiva in carica d’issu cartulari.
Era invitata à issa missa in anda Ernestine Ronaï, chì hè à l’urigina llu primu d’iss’ussirvatorii, iniziatu in Seine Saint Denis in u 2002. Da accumpagnà a prisenza è l’azzioni d’iss’ussirvatoriu, ci hè a stallazioni llu telefunu par « gran’piriculu », oramai prisenti in tuttu u tarritoriu.
Pà Ernestine Ronaï, a prima di i priurità hè di pruteghja i vittimi, ancu innanzi ch’idda ghjunga a risposta penali.
Steti la à senta.
Sur le même sujet
