Le Direct

L'inquiétude grandit après la disparition de frères jumeaux de trois ans à Levie

(A redazzioni d'Alta Frequenza) - I ricerchi cuntinueghjani in Alta Rocca pà ritruvà à Mehdi è Yanis, i binelli spariti dipoi arisera (vennari) in Livia, ind'u paisolu di Cortina, locu dittu Archigna. Ss'ultimi, chì t'ani solu trè anni, erani stati missi in famighja d'accolta. Avemi nisun nutizia di i dui zitelli, chì omu ùn riesci micca à truvà, dipoi arisera, mentri ch'elli ghjucavani ind'una piccula capana, ghjustu accantu à a casa d'accolta. Una volta chì l'affari s'hè sappiutu, parechji mezi sò stai missi in piazza pà ritruvà li : parechji dicennii di gendarmi, ghjacari spicializati, più di una cinquantina di civili, i pumpieri di Livia, è un elicotteru sò stati mubilizati. Stamani, i ricerchi ani cuntinuatu, cù mezi novi, com'è motò è quads. Ma par avà, ssi ricerchi ùn dani nulla. Ma chì hè accadutu  ? I zitelli sò stati presi ? L'ipotesi criminali è quilla di u rapimentu sò sclusi par avà da l'inchiestadori. L'inchietudini cresci l'ori passendu, soprattuttu quandu si sà chì a Corsica hè tocca da un caldu assai forti oghji. I risichi di disidratazioni sò dunqua assai impurtanti. Da nutà chì i parenti chì aviani missu i so dui zitelli in ssa casa d'accolta marcuri sò ghjunti sopralocu è sò stati presi in carica.

S'è vo t'aveti infurmazioni chì pudariani aiutà i succorsi, pudeti chjamà u Centru uparaziunali di a gendarmeria à u 04.95.10.09.28.

Ecoutez la maman des jumeaux Yanis et Mehdi, qui lance un appel à la population.