L'hypothèse d'un troisième confinement est de plus en plus probable selon une source gouvernementale
À senta ni una voci vicina à u guvernu francesu, è mintuvata da l’AFP, cresci a prubabilità di u cunfinamentu. Da ghjustificà l’ipotesi, sò mintuvati i studii publicati da l’Inserm o u stitutu Pasteur, chì prividini una crescita di l’epidemia parvia di a varienti inglesa, più cuntaghjosa è forsa murtali di più, à senta ni à Boris Johnson.
Sempri à senta ni issa voci, « s’iddi affaccani in i ghjorna à vena l’effetti pusitivi lla caramagnola, si pudarà ancu aspittà una sittimana o dui. Ma ùn hè cusì sicura ch’idda basti ».
Cù i segni d’un pighjurà in Auropa, sò sempri di più numarosi i prufiziunali lla saluta à aspittà issa misura.
Pà issu mondu, hè bedda nigativa a tindenza. Hong Kong si hè cunfinata dinò, è Joe Biden, u prisidenti amiricanu, pensa chì u siscu hà da fà 600 000 morti di più in u so paesu.
