L'homme blessé par balles à Alata est décédé
(A redazzioni d'Alta Frequenza) - L'omu feritu da balli ssu marcuri da mani in Alata in Corsica Suttana hè mortu quand'ellu hè ghjuntu à l'uspidali d'Aiacciu. L'omu di 36 anni, cunnisciutu da i servizi di pulizza pà affari di droga sicondu u prucuratori di a Republica, Eric Bouillard, si n'andava da a casa di i parenti di a so amica, quandu hè statu toccu da unu o parechji tiradori. D'appressu à tistimonii, saria statu feritu da quattru o cinqui tiri. Da un'antra banda, una vittura in traccia di brusgià hè stata ritrova in calchì locu vicinu. Pudaria essa quilla di u o di i malfattori. A pulizza ghjudiziaria d'Aiacciu hè in carica di l'inchiesta.
Sur le même sujet
