L'Autorité de la Concurrence a rendu son rapport et ses préconisations sur la situation en Corse
Dopu à parichji mesa di travaddu, l’Auturità lla Cuncurrenza hà resu u so raportu, par ciò chì tocca à parichji punti di l’ecunumia corsa.
Dici issu raportu chì « sturmenti ghjuridichi novi pirmittariani di risponda meddu à i pinsera lla cuncurrenza idintificati in Corsica. St’arnesi sariani fatti à posta pà i tarritoria chì strutturalmenti, ùn ani à veru una cuncurrenza, parvia di spicificità giugraffichi o ecunomichi (l’isulanità, a muntagna, a troppa impurtanza di l’attività turistica in l’ecunumia…).
L’Auturità dumanda « di priveda ch’idda posca impona misuri di currizzioni in issi tarritoria, par casu ch’iddi ci sichini pinsera di cuncurrenza, ancu puri ch’idd’ùn ci ni sichi pusizioni duminanti, o ch’idda posca dà ordini strutturali, par casu ch’idda ci sichi una pusizioni duminanti.
Ricumanda dinò ch’iddu si posca « permetta à u guvernu di metta in anda, via un dicretu in cunsigliu di statu è dopu intesu l’avvisu di l’Auturità, i misuri nicissarii quandu i marcati impurtanti di bè o sirvizia facini veda malfunziunamenti, masimu par ciò chì tocca à l’appruvistera, u trasportu è a distribuzioni ».
Terza ricumandazioni : arrigulà i prezza in i sittori o i circonda ind’idd’hè limitata a cuncurrenza cù i prezza, parvia di situazioni di munupolu o di difficultà in l’appruvistera ».
L’Auturità dumanda infini à u ligislatori di « dà li u puteri di pudè fà l’asaminu d’uparazioni di cuncintrazioni ecunomichi chì, ancu puri s’iddi si tenini in i limiti attuali pà u cuntrollu di u incasciu, accendini calchì pinseri in fatti di cuncurrenza ».
