Le Direct

L'associu Sulidarità appelle à venir soutenir son président et à défendre les libertés ce mardi à Ajaccio

photo d'archive

In un cumunicatu, dici l’Associu Sulidarità chì Thierry Casolasco, u so prisidenti, sarà ghjudicatu marti u 7 di sittembri, par avè ricusatu di suttimetta si à l’ublichi llu « FIJAIT ».

« À veda ni u cuntestu internaziunali, è à calchì ghjornu llu 20esimu annivirsariu di l’attintatu di u 11 di sittembri, i corsi ùn poni accittà chì quiddi chì ani sceltu di difenda u so populu è i so dritti sichini cunsidarati da tarruristi, parvia di a falsità llu calculu lla pulitichedda ».

« Sò uni pochi d’anni ad avali chì u statu francesu, vidindu ch’iddi sò menu i militanti in i so prighjoni, hà dicisu di fà falà a so riprissioni à nantu à l’anziani prighjuneri pulitichi corsi.

Iss’omini, cundannati aghjà tempi fà, sò oramai i vittimi d’una riprissioni viziosa, menu spittaculara o mediatica, ma dura listessi è ch’ùn pidda pichju », dici l’Associu.

Sulidarità ni chjama à un’accolta davanti à u tribunali d’Aiacciu, marti u 7 à parta si da 1 ora è mezu, da sustena à Thierry Casolasco.