L'ARS et la préfecture de Corse : Il faut absolument poursuivre l’effort de vaccination
A dirittrici di l’ARS è u prifettu ani fattu marcuri una cunfarenza di stampa.
Marie-Hélène Lecenne hà ripitutu quant’idda era impurtanti a vaccinazioni, masimu chì, cù a statina è i turisti, a pupulazioni pudaria crescia di 230 %.
Da sfrancà si la da a trasmissioni è a circulazioni llu siscu, è da a stesa di i varianti, meddu saria à cuntinuvà u sforzu vaccinali.
Dici l’ARS ch’idda hà da metta in anda cullaburazioni cù i prufiziunali llu turismu, par ch’idda sichi più sicura a staghjoni.
Hè privista ch’iddi sichini urganizati i mezi midicali, da fà fronti à issa crescita di pupulazioni.
Steti à senta à Marie-Hélène Lecenne.
U prifettu hà parlatu di l’usu lli mascari – quiddi chì u guvernu dicia in principiu di crisa ch’iddi ùn ghjuvaiani, è ch’iddu ci vulia una furmazioni spiciali par metta li ! - è di a rsipunsabilisazioni cullittiva.
Pascal Lelarge hà spiicatu chì, par sfrancà si la di ristrizzioni, chjudituri è ricunfinamenti, ci voli à essa rispunsevuli, dendu forza à a vaccinazioni.
Steti lu à senta.