L'Afrique du Sud en stage en Corse avant la Coupe du Monde de Rugby 2023
Marcuri, Claude Atcher, u dirittori llu cumitatu d’urganisazioni lla cuppa di mondu di rugby in francia pà u 2023, si hè ingagiatu ufficialmenti à lià a Corsica à issa cumpitizioni.
Parvia di a lugistica, ùn si n’hè pussutu dà chivi campu di basa à una di i squadri in cumpitizioni. Ma l’Africa Suttana, a squadra campiona di u mondu, hà da fà un primu staziu di cinqui ghjorna in Corsica à a fini d’austu llu 2023.
Senza cuntà chì, calchì mesi innanzi à a cuppa llu mondu, a turnata lla cuppa Webb Ellis hà da principià in Corsica.
Hè una bona pà u rugby corsu, è ancu un’uccasioni d’accodda u mondu cù issa ghjunta di i Springboks, com’iddu a pensa Claude Atcher.
Jean-Simon Savelli, u prisidenti lla Liga Corsa di Rugby, si rallegra di pudè riceva l’Africa Suttana in Corsica, una tarra ind’iddu cumencia à assicurà a so prisenza u rugby.
Steti lu à senta.