Le Direct

L'AC Aiacciu dépose une requête en référé devant le conseil d'État considérant que ses droits sont équivalents à ceux de Nîmes

L’AC Aiacciu, via Camille Romani u so avucatu, hà spostu luni calchì ricorsu à u Cunsigliu di statu.
In prima, ci hè una dumanda d’annulazioni lla dicisioni llu CA di a LFP, u 30 d’aprili, postu ch’idd’ùn hè stata cunsidarata a pussibilità d’una cuddata diretta di a squadra aiaccina, terza d’un campiunatu 2019-20 suspesu à mezu marzu parvia lla crisa sanitaria, è chjusu d’aprili da i stituzioni llu ballò.
A squadra hà ancu spostu un ricorsu rapidu, da ch’iddi sichini suspesi i dicisioni lla LFP. In una cumunicazioni sposta à nantu à a so pagina Facebook, Camille Romani spieca chì « s’iddu si ghjudichighja chì no’ ùn avemu dritti suprani à quiddi di Nima, tandu ci vurrà à diducia chì i nosci dritti, à u minimu, sò pari ad iddi.
Tandu, à a LFP, è di manera accizziunali, a LFP saria custretta à metta in anda, pà a staghjoni 2020/21, un campiunatu cù 21 squadri ».
À senta ni l’avucatu, issu ricorsu duvaria essa asaminatu da quì à pocu.