Journée internationale des droits de l'enfant : faire cesser les violences, la priorité des priorités
Photo facebook Adrien Taquet
U 20 di nuvembri, hè l’annivirsariu di a dichjarazioni univirsali lli dritti llu ziteddu.
adrien taquet, u sicritariu di statu in carica di a zitiddina è di a famidda, hà dicisu di riuniscia issu ghjornu u cumitatu d’accumpagnamentu llu pianu naziunali pà i viulenzi fatti à i ziteddi.
Mentri issu scontru, li sarà prisintata, à l’associ, a prugrissioni lli travaddi d’issu pianu.
Pà u 2018, in francia, 122 ziteddi minori sò stati vittimi d’infanticidii, è pà 80 di quissi, l’affari hè successu in famidda. I dui terzi d’issi ziteddi ùn aviani mancu cinqui anni. U stessu annu, 23 560 lagnanzi sò stati sposti pà viulenzi sissuali à nantu à ziteddi minori, 7 260 di quissi issendu successi in famidda ».
Ma a viulenza hè in ugni locu : à a scola, in tempu di sciali, in carrughju...
Di pettu à issa pessima è dramatica situazioni, u pianu di lutta contru à i viulenzi fatti à i ziteddi si dà par ughjittivu di pruteghja ugni ziteddu, in ugni locu è à ugni mumentu, par via di misuri arrimbati à a privinzioni, à a libarazioni lla parolla, à a prutizzioni, à l’accumpagnamentu lli ghjovani, ma ancu cù a riprissioni pà l’autori d’issi viulenzi.
Un primu bilanciu d’issu pianu è d’issi misuri, u ci prisenta adrien taquet.
