Jean-Pierre Chevènement accuse les médias publics corses de faire de l'endoctrinement
(A redazzioni d'Alta Frequenza) - Tristu. Gravi. Stumacanti. È ridiculu. Eccu i parolli chì ci venini in menti stendu à senta l'intarvinzioni di Jean-Pierre Chevènement, anzianu ministru di l'Internu, nant'à l'ondi d'Europe 1 stamani (ghjovi). Intarrugatu da un ghjurnalistu nant'à l'assassinii ricenti nant'à l'isula, Jean-Pierre Chevènement ùn hà trovu nulla di meghju cà d'attaccà si à i media isulani publichi, chì à parè soiu "veiculeghjani idei indipendentisti", ben intesa, propiu gattivi pà a ghjuventù isulani. Par asempiu, i prugrammi di France 3 sariani, sicondu i so detti, prupaganda pà i telespettatori corsi, è in particulari pà i ghjovani. L'anzianu ministru furmuleghja dinò accusazioni ver di u retturatu di Corsica è l'università di Corti. Jean-Pierre Chevènement metti dinò in guardia à Paul Giacobbi nant'à l'apartura di u cartulari istituziunali.
Écoutez les propos de Jean-Pierre Chevènement sur les ondes d’Europe 1 ce matin.
