Jean-Jacques Panunzi interpelle le ministre de la Santé sur l’absence d’unité PET Scan en Corse
Photo : Jean-Jacques Panunzi
Cù una lettara publica, Jean-Jacques Panunzi, sinatori llu Pumonti, lampa una chjama à Agnès Buzin, a ministra lla saluta, par fà rimarcà ch’iddu manca in Corsica un Tep Scan. Spieca u sinatori l’intaressu d’avè ni unu :
« Ùn ci n’hè in Corsica unità di Tomoscintugraffia par Emissioni di Pusitoni, da pudè misurà, di manera pricisa, l’evuluzioni di i tumori cancarosi.
A media naziunali hè d’un’unità par circa 400 000 abitanti. Hè à veru un echippamentu midicali chì manca in Corsica, eppuri u cancaru hè a prima causa di murtalità in l’isula » dici Jean-Jacques Panunzi.
À senta u sinatori pumuntincu, l’affari « pudaria sfrancà i malati isulani d’issi dispiazzamenti longhi, mentri ch’iddi si patini trattamenta chì à veru faticani. Moltu più chì cusì, ci sariani ancu ecunumii à fà pà l’Assicuranza Malatia, chì tandu ùn ci ni saria dispiazzamenta à rimpattà »
