Jean-Guy Talamoni répond à Manuel Valls : "la langue de la Corse, c'est le corse !"
(A redazzioni d'Alta Frequenza) - Ghjuvan Guidu Talamoni, u presidenti di l'assemblea di Corsica, ùn s'hè micca fattu prigà pà riagiscia in furia à i parolli di Manuel Valls, chì arisera (marcuri) à u ghjurnali d'8 ori di TF1 hà sarratu tutti i porti à i rivindicazioni di l'eletti corsi cuncirnendu u statutu di residenti, i prighjuneri pulitichi è a cuufficialità linguistica. Intarrugatu stamani (ghjovi) da Europe 1, Ghjuvan Guidu Talamoni hà fattu sapè chì "Manuel Valls s'addirizza à i Francesi ma pà contu nostru, eletti di a Corsica, ci addirizzemi à i Corsi". Hà ramintatu chì "a lingua di a Republica francesi era u francesi, ciò ch'è no ùn cuntistemi micca, ma a lingua di a Corsica, hè u corsu è dunqua cuntinuaremi à parlà ssa lingua ancu à l'Assemblea è inde l'istituzioni corsi !". D'appressu à Ghjuvan Guidu Talamoni, i Corsi l'ani datu un mandatu pà ghjustu appuntu, "metta in opara ssu gennaru d'urientazioni à prò di a lingua".
Sur le même sujet
