Le Direct

Jean-Guy Talamoni et les Conseils départementaux : réaction de Jean-Jacques Panunzi

(A redazzioni d'Alta Frequenza) - Jean Jacques Panunzi hà vulsutu rigascia dinò ellu dopu i parolli di Ghjuvan Guidu Talamoni nant'à i Cunsighji dipartimintali. Ci voli à ramintà, dici l'anzianu presidenti di u Cunsighju Dipartimintali di Corsica Suttana, "chì a Cullittività unica devi essa è sarà a cullittività di tutti i Corsi". "Perda què di vista, hè scurdassi di u sensu di a dimarchja iniziata", aghjusta u senatori di a Corsica Suttana. D'appressu à Jean Jacques Panunzi, "c'hè a cultura di a prupaganda. Eppo, quandu omu hè à i rispunsabilità c'hè a cultura di a rialisazioni", è si tratta quì di dui cosi propiu sfarenti à parè soiu. Inveci di cuntinuà à circà culpevuli, saria ora chì a so maghjurità fessi cunnoscia di manera chjara i so pruposti di pettu à quilli purtati da Parighji, cuntinueghja ss'ultimu. È di compia : "un'attitudini simuli faci rifletta ; vularia fà fiascà u prughjettu, ùn avaria micca agitu altrimenti".