Jean-Guy Talamoni décline l’invitation de la ministre Jacqueline Gourault et explique pourquoi
Jean-Guy Talamoni, u prisidenti di l’Assemblea, hà ricusatu a invitazioni di a ministra francesa jacqueline gourault.
« In sti circustanzi chivi, mancu ùn casca à puntu di participà à a spassighjata ministiriali, à issu neci di dialugu », dici Jean-Guy Talamoni.
« Hè po’ un pezzu avali ch’iddi sò stati visti è rivisti i varii diminsioni lla quistioni turistica. I rivindicazioni, chjari, sò stati purtati tantu è più da eletti è rispunsevuli di l’industriu turisticu : statutu fiscali è suciali, sustegnu à i strutturi di famidda, lutta contru à u paracumircialismu. U guvernu francesu è a so amministrazioni ricusani senza pichju u minimu passu in stu sensu, malgradu i dicini di riunioni à l’alti liveddi di rispunsabilità d’iss’ultimi anni », rigreta u prisidenti di l’Assemblea.
« Tocca avali à parigi à cumincià à fà, di manera cuncreta, a so parti lla strada, cù tutti l’elementi ch’iddu cunnosci chì hè un pezzu, inveci d’urganizà razza di cuncirtazioni buliati à vani mundanità » dici in chjudenda Jean-Guy Talamoni.
