Jean-Félix Acquaviva plaide pour une reconnaissance de l'état de catastrophe sanitaire
Jean-Félix Acquaviva, u diputatu lla siconda circuscrizzioni llu Cismonti, vurria ch’iddu sichi ricunnisciutu un statutu di sciagura sanitaria.
Dici chì l’epidemia hà palisatu uni pochi di dibulezzi in l’assicuranza di i impresi, chì i so dirighjenti si sò avvisti ch’in gran’parti ùn era cupartu, u risicu liatu à i perditi in casu di pandemia. Eppuri, u dirrigulamentu llu climu è i so cunsiquenzi (crescita lli timpiraturi, sfuristazioni, parti cutrati llu mondu chì si ni sdrughjini) faci crescia u risicu di veda affaccà sischi novi è pandemii, dici u diputatu « Pà a Corsica / Libertés et Territoires ».
Jean-Félix Acquaviva faci ancu u custatu chì l’assicuratori ùn si sò missi à u liveddu lla sulidarità ch’idda impunia issa situazioni. Ùn nega micca u so impegnu ( participazioni à u fundu di sulidarità, suspesa di l’affitti pà i TPE-PMA custretti à firmà a so attività, misuri stracuntrattuali, annunciu d’un prugrama d’invistimentu glubali…) ma u contu, par iddu, ùn ci hè, dici in chjudenda u diputatu.
