Jean Castex maintient les bars et restaurants fermés pour plusieurs semaines encore
Jean Castex, Premier ministre
Ghjovi à sera, u primu ministru francesu hà fattu una cunfarenza di stampa, par dà calchì pricisioni par ciò chì tocca à u Covid 19.
Surpresa, ùn ci n’hè statu : jean castex hà dittu chì i stabilimenta chjusi ùn aprariani par avali. I stabilimenta spurtivi è culturali sarani chjusi à u minimu sinu à a fini di ghjinnaghju ; i caffè è i risturanti à u minimu sinu à mezu frivaghju.
U primu ministru hà spiicatu chì u liveddu lla cuntaminazioni si ferma altu, è ancu ch’iddu cresci dipoi mezu dicembri. Tandu, si n’era à 10 000 casi à ghjornu. Oghji, si toccani i 15 000, vali à dì trè volti di più chè i 5 000 aspittati.
Tandu, mancu à pinsà la à metta in piriculu u sistema di saluta è i spidala, hà dittu jean castex.
Par ciò chì tocca à a cultura, u capu llu guvernu francesu hà dittu ch’idd’ùn c’erani, i cundizioni d’una ripresa pà u 20 di ghjinnaghju. Inveci, pà u principiu di frivaghju, issi cundizioni sarani difiniti, in cuncirtazioni cù i riprisintenti d’issu sittori.
jean castex hà dittu ch’iddu aspittaia uni pochi di ghjorna par misurà i cunsiquenzi lli festi di fin’d’annata pà a situazioni sanitaria. Tandu, pudariani ancu essa presi ristrizzioni novi.
Steti à senta u primu ministru francesu.
