#Iwas & violences sexuelles en Corse : nouvelle manifestation à Ajaccio ce dimanche
Photo : Julien Pernici
Dopu à a riescita lla manifistazioni di Bastia, i 9 iniziatrici llu muvimentu #Iwas in Corsica approntani, par duminica à 6 ori, una mubilisazioni in Aiacciu, chì muvarà da u tribunali. Da arricà ci ghjenti, in primu dopu meziornu, un trennu spiciali partarà da Bastia.
Dopu à issa manifistazioni, Anaïs Mattei, una di l’urganistarici, hà da scuntrà u prifettu Franck Robine. Issu ritrovu era aghjà privistu, innanzi bè ch’idd’ùn ni parli Marlène Schiappa à nantu à l’ondi d’Alta Frequenza.
Dopu à a prima mubilisazioni, hè crisciutu è bè u muvimentu, ed hè statu rimarcatu da a stampa francesa, è ancu ripresu via Instagram da uni pochi di parsunalità, com’è a cantadori Angèle.
Cù issu muvimentu chì hà presu forza, sò stati parichji i ghjuvanetti ad avè avutu u curaghju di spona lagnanza.
Steti à senta à Anaïs Mattei.
