Irruption dans le bureau du directeur de la DDTM, barrage à Casamozza : la colère des agriculteurs explose
Luni, in u Cismonti, l’agricultori ani fattu senta a so collara, à u sughjettu lli stesi ditti pochi pruduttivi.
In prima matinata, Joseph Colombani, u Prisidenti lla Camara d’Agricultura llu Cismonti è di a FDSEA, hè intrutu, cù un altru membru llu sindicatu, in u scagnu llu Dirittori Dipartimintali lli Tarritoria è di u Mari. Dopu à una curta imparullata, calchì matiriali saria statu dannighjatu.
U dirittori lla DDTM è u prifettu llu Cismonti ani spostu lagnanza contru à issi fatti.
Po’, in principiu di dopu meziornu, sò stati distribuiti stampini à u ghjiratoghju di Casamozza. In issi ducumenti hè scritta l’indignazioni, di pettu à a situazioni di 900 agricultori privi d’aiuti aurupeani par avali, ma dinò di pettu à i cuntrolli abusivi ch’iddu supporta issu mistieri. Po’ hè dumandata à missa in anda, senza tricà, d’una cellula di crisi trà statu, agricultori è CDC.
S’idd’ùn cambia a situazioni, si ni pudaria ghjunghja à situazioni dramatichi.
Eccu ciò ch’impinsirisci à Joseph Colombani, chì no’ stemu à senta.
