Interdiction de se présenter aux élections des TPE : vive réaction du STC
(A redazzioni d'Alta Frequenza) - Riazzioni forti di u STC dopu à l'annulazioni di a so candidatura à l'alizzioni ind'i TPE di u 28 di nuvembri fin'è u 12 di dicembri da u tribunali d'istanza di Parighji. Un'azzioni in ghjustizia purtata da a CFDT, a CFTC, FO è a CGT. Ind'a so dicisioni resa luni scorsu, u tribunali hà ghjudicatu chì "di pettu à u dirittu sindicali è à a prutezzioni di i diritti di i salariati", u Sindicatu di i Travaghjadori Corsi "porta un'azzioni pulitica specifica", ch'ellu batti à prò di "una discriminazioni arrimbata à l'urighjini regiunali trà l'impiegati", chì "i so fundamenti sò cuntrarii à l'essenza stessa di l'attività sindicali", è "và contr'à i principii fundamintali chì gistiscini a materia". A ghjuridizzioni hà stimatu chì u STC, di chì "l'ughjettu ùn hè micca licitu, ùn empii micca i criterii d'indipindenza è di rispettu di i valori republicani". Ssu sindicatu, dici torna u tribunali, "và contr'à l'indipindenza è l'imparzialità di a ghjustizia" è a so "qualità di sindicatu prufiziunali hè cuntistevuli". U tribunali parighjinu hà dinò annulatu a dicisioni di a direzzioni generali di u Travaghju di u 1a di ghjunghju scorsu, chì avia dichjaratu ch'ella pudia essa ricivuta a so candidatura pà l'alizzioni ind'i TPE. U STC trova chì ssa dicisioni ùn hè mancu appena ghjusta è hà dicisu d'andà in cassazioni.
Steti à senta à Etienne Santucci, pà u STC.
