Intempéries en Haute-Corse : l'appel à la prudence sur les routes
Intempéries en Haute-Corse : l'appel à la prudence sur les routes !
(A redazzioni d'Alta Frequenza) - Dui vittimi purtati da l'acqua a notti scorsa annant'à a cumuna d'Oletta è una vittura affundata annant'à u ponti di u Bevincu in fin di matinata : eccu u bilanciu assai pessimu di u gattivu tempu in Corsica Suprana. I servizi di succorsi, in particulari i spignifochi di u dipartimentu, sò stati mubilizati tutta a ghjurnata annant'à l'ultima intarvinzioni cù ricerchi chì ripighjarani dumani matina pà pudè ritruvà a o i parsoni nentru à a vittura sparita in Biguglia, eppo ritrova biota à più di 300 metri di distanza, vicinu à u stagnu. À u nivellu di a circulazioni, ci sò sempri punti neri in Capicorsu, ind'a regioni bastiaccia è in San Fiurenzu. U Serviziu Dipartimintali d'Incendiu è di Succorsi dumanda à a pupulazioni d'ùn spiazzassi micca s'ella ùn c'hè nisun urghjenza, è di ùn pruvà micca à travirsà i picculi fiumi. A prudenza a più maiò hè racumandata , soprattuttu pà i lochi affundevuli è sinsibuli pà pudè schisà un drama novu.
Sur le même sujet
