Intempéries dans l'Extreme Sud : blocage de certaines voies de circulation
(A redazzioni d'Alta Frequenza) - Com'è si pudia priveda à meza ghjurnata, a strada tarrituriali 196 hè stata finalmenti sarrata à a circulazioni ind'u dopu meziornu. A taghjatura hè stata fatta à nivellu di u ponti d'Arena Bianca, ghjustu dopu à a surtita di Prupià in direzzioni di Sartè, di più cù privenzioni cà par via di un periculu di subbitu. A prifettura di Corsica Suttana cunsighja di modu forti à tutti l'usadori di a strada di ùn passà micca inde tuttu u settori, ma in casu di necessità assuluta, un sistemi di svianzi hè statu missu in ballu. Pà andà da Sartè fin'è Prupià, pighjà a dipartimintali 69, direzzioni di Livia, eppo a 119 in direzzioni d'Arbellara, è infini a dipartimintali 19 fin'è Prupià. Ind'u sensu Prupià Sartè, hè cunsighjatu di suvità a dipartimintali 121 fin'è Belvedere Campumoru, eppo a D 21 fin'è Sartè. Puntu assai pusitivu di issu timpurali, in tutti i casi vistu da i sculari di u liceu di Sartè, sò partuti di u so stabilimentu à mità di dopu meziornu, da pudè schisà ogni difficultà pà vultà in casa soia ind'a sirata, ciò ch'hè sempri què di presu.
Sur le même sujet
