Inseme per Bastia a exprimé ses doutes sur le financement de la voie douce
(A redazzioni d'Alta Frequenza) - C'era arisera (luni) un novu cunsighju municipali in Bastia. S'è l'ambiu era appena più calmu cà d'abitudini, calchì sughjettu hà attu nascia u dibattitu. Ùn erani micca sughjetti accumpagnati di una passioni traputenti, ma ani parmissu quantunqua à l'uppusizioni municipali, vali à dì u gruppu Inseme per Bastia, di sprima i so dubbiti. Un cartulari in particulari hà fattu spuntà intarrugazioni da a parti di ssu gruppu, quillu di a missa in ballu di una via di circulazioni pà i parsoni à pedi è quilli nant'à bissicletti in Bastia, da u portu di Toga à l'Arinella, è più particularmenti u raportu nant'à u finanziamentu di quissa quì. In fatti, ùn ci hè cà u primu settori andendu da Toga à a calata di u vechju portu duvia essa vutatu subbitu pà una presa in carica ind'u quadru di u prugrammu INTERREG, è di u FEDER 2007-2013. Inseme per Bastia hà dinunziatu duranti a seenza una mancanza di chjarezza nant'à u prughjettu è u so finanziamentu, ammintendu a crescita di più di 40% trà u bughjettu stimatu à u principiu di u prughjettu è quillu stimatu oghji, parlendu ancu di una pussibilità di prublemi di bughjetti impurtanti malgradu l'assicuranzi di u merri è di u so primu aghjuntu, Ange Rovère, nant'à a capacità di i partenarii finanziari di u prughjettu à seguità pà i spesi in più.
On écoute Gilles Simeoni.
