Le Direct

Influenza aviaire : la situation en Corse-du-Sud

Scupartu ch’iddu hè statu un puntu di grippa aciddaghja in un animalaria llu Cismonti, u statu hà presu misuri da idintificà l’urigina di a cuntaminazioni (bulamu salvaticu o casanu) è circà à parà la.

« A inchiesta di tracciabilità fatta in Pumonti da i sirivizia di a DDCSPP, hà fattu veda chì un lottu di 18 aceddi (ghjaddini, anatri è paoni), di stessa urigina chè u lottu cuntaminatu llu Cismonti, hè statu rimissu à u Gamm Vert d’Aiacciu u 5 di nuvembri » dici a prifittura.

Senza aspittà i risultata di l’analisi, i sirvizia llu statu ani presu misuri in privinzioni pà u magazenu Gamm Vert d’Aiacciu, à l’entra lla sittimana :

- Tuttu u bulamu di u magazenu hè statu tumbu

- Si ricircani i compriti d’aceddi di cumpagnia o di ghjaddinaghji fatti dipoi u 5 di nuvembri. Hè stata idintificata una parsona, sola ad avè compru parti di u lottu lli 18 aceddi. L’animali sò stati tumbi. In più d’issu lottu, sò stati vinduti altri aceddi d’issu magazenu. Si ni faci sempri a circa.