Incendies : le message du président de la Communauté de Communes du Cap Corse
(A redazzioni d'Alta Frequenza) - Più di 4500 ettari brusgiati in Corsica dipoi u principiu di u mesi di lugliu : eccu u tristu bilanciu di a staghjoni di i fochi chì ùn hè ancu à compia par disgrazia. À mezu à i lochi i più tocchi, u Capicorsu, cù frà altru u focu chì hè partutu l'11 d'aostu scorsu appena nanzi à un'ora di mani trà Nonza è Ugliastru. Pierre Chaubon, u merri di Nonza è presidenti di a Cumunità di Cumuni di Capicorsu, dumanda oghji chì l'inchiesti pà ritruvà quilli culpevuli di ssi danni andessini fin'è a fini cù i mezi nicissari, postu chì l'urghjini criminali di ssi fochi hè sicura d'appressu à ellu. Ci voli dinò sicondu l'elettu chì da quì à pocu, ci sighi una riflessioni di manera prufonda è senza svianzi trà tutti l'attori cuncirnati nant'à ssu periculu maiò, di pettu à una mansa di parametri, climatichi frà altru ma micca solu.
Steti à senta à Pierre Chaubon, u merri di Nonza è presidenti di a Cumunità di Cumuni di Capicorsu.
Sur le même sujet
