Le Direct

Incendies : entre 80 et 90 hectares parcourus à Vero, 15 à Bastelica

(A redazzioni d'Alta Frequenza) - Dui fochi mubilizeghjani sempri i suldati di u focu in Corsica Suttana. In Veru, si stima par avà à 80 o 90 ettari a superficia parcorsa da i fiari. Difficiuli d'accessu in un prima tempu, i spignifochi di Corsica Suttana, i furestieri è i militari di a securità civili di u dipartimentu è di Corti, vali à dì esattamenti 111 omi, ani pussutu crescia in u trattamentu di u sinistru annant'à i lati. U travaghju hà da cuntinuà d'altrondi duranti a nuttata. I Tracker, l'elicotteru chì lampa l'acqua è u Dash agiscini sopralocu. In Bastelica, si custata inveci una ripresa di l'attività annant'à a parti manca di u focu. Da 12 ettari versu 6 ori è mezu, a superficia parcorsa hè passata à 15 ettari. Una quarantina d'omi di i spignifochi, furestieri è militari sò mubilizati. Da un'antra banda, i Candair mubilizati pà ssi dui fochi sò stati ubligati à parta in Corsica Suprana, pà un focu partutu in Galeria è chì hà distruttu solu 200 m2.