Incendie dans le Cap Corse : le point en fin de matinée
(A redazzioni d'Alta Frequenza) - Pà ciò chì tocca u focu d'Ugliastru è Olcani, a situazioni evulueghja sempri. Cù 80 ettari distrutti dipoi stanotti, inde lochi cù un accessu assai difficiuli, i mezi aerei, vali à dì quattru Tracker, trè Canadair è un Dash 8, sò capitali da fà chì a situazioni ùn impeghjuriscissi micca appena di più. A matinata hà missu in avanti una ripresa di a testa di focu, incuraghjiata da un ventu forti. Puntu pusitivu, l'omi numarosi sopralocu ci la facini à cuntena u focu in altu à a cresta, fendu ch'ellu ùn passessi micca nant'à u latu urientali. (ritrattu : SDIS 2B)
Sur le même sujet
