Importants incendies en Haute-Corse, 300 hectares estimés détruits à Ville di Paraso
(A redazzioni d'Alta Frequenza) - Fochi assai impurtanti è numarosi sò partuti in Corsica Suprana duranti a dumenicata. U più impurtanti hè quillu di Ville di Parasu, in Balagna. I stimazioni pruvisorii sò inghjiru à 300 ettari. Sopralocu, più di centu omi sò mubilizati (SDIS 2B, Securità Civili di Corti, Postu di Cumandu di Belgudè, sustegnu sanitariu). Mezi aerei sò dinò stati ingaghjati (Tracker è Pelican). A missioni di i succorsi hè assai difficiiuli par via di u ventu viulenti da punenti à meziornu punenti, chì soffia à più di 100 chilometri à l'ora. U focu si sparghji libaru. Una difesa di i punti sinsibuli hè stata missa in ballu. I stradi sò stati sarrati : a parti di Novella, Belgudè è Olmi Capella. U tempu ùn si duvaria micca migliurà nanzi à a siconda parti di a nuttata. Altru focu, sempri in Balagna, quillu chì hà toccu 10 ettari in Felicetu. Par avà, u focu hè fissatu, ancu s'è u ventu soffia quì dinò à più di 100 chilometri à l'ora. Ssa dumenica, i spinghjifochi di Corsica Suprana ani luttatu contr'à 10 fochi più chjuchi (menu d'un ettari ogni volta) in A Ghisunaccia, u Curtinesi, San Lurenzu, in Castagniccia è in Bastia. Ssi fochi sò spinti oramai. Infini, u focu natu in Aiti (Vallerustie) ssu sabbatu hà distruttu ottu ettari, prima d'essa fissatu ssa dumenica.
Sur le même sujet
