Important incendie dans une zone industrielle à Corbara
(A redazzioni d'Alta Frequenza) - Versu 3 ori è mezu ssu luni, hè partutu un focu ind'a zona industriali di Pratu in Curbara, in Balagna. Ssu focu, abbastanza impurtanti, hè natu in u magazenu GIFI. Hè statu distruttu di manera sana da i fiari nant'à una superficia di 1000 m2. Ancu di grazia, nimu hè statu feritu par avà; u parsunali è i clienti sò stati cacciati da i lochi in furia da i salvadori. I suldati di u focu lottani oramai pà pudè limità a sparghjera di u sinistru, da fà chì i cummerci vicini ùn sighini micca tocchi. In tuttu, più di 60 spinghjifochi è militari sò sopralocu, ma dinò 20 camiò.
Sur le même sujet
