Le Direct

Homicides et tentatives en Corse : le point sur les enquêtes

Homicides et tentatives : le point sur les enquêtes

(A redazzioni d'Alta Frequenza) - L'investigazioni cuntinueghjani dopu à i sfarenti fatti criminali chì ani toccu a Corsica eri (marti). Cuncirnendu a prova d'assassiniu ind'u carrughju di u Borgu in Aiacciu, eri, una parsona hè in issu mumentu in guardia custodia ind'i lucali di a DDSP di Corsica. L'omu, arristatu ghjustu dopu à i fatti nega qualsiasi impiecazioni inde quissi quì. L'inchiestadori s'intaressani à un  debbitu di soldi pussibuli chì pudaria essa liatu à una cunsumazioni di droghi.  Ma nulla hè cunfirmata par avà, è nisuna ipotesi hè sclusa. Pà ciò chì tocca à a prova d'assassiniu contr'à Yves Manunta, quartieri Baslestrinu sempri in Aiacciu, è duranti à quali a moghja è a fighjola di iss'ultimu sò stati feriti, ci sariani stati quì dinò arristazioni. Da una fonti vicinu à l'inchiesta, dui parsoni sariani in issu mumentu in guardia custodia. Pochi elementi malgradu tuttu parchì chì l'inchiesta principia solu avà. Pochi elementi dinò nant'à i dui assassinii di Prupià è di Casalta, fora di u fattu chì i servizii di pulizza è di u ministeru publicu cunfirmeghjani chì i dui vittimi ùn erani micca cunisciuti da i servizii di pulizza.