Homicide à Ajaccio : un véhicule incendié retrouvé à Alata
(A redazzioni d'Alta Frequenza) - L'inchiesta cuntinueghja dopu à l'umicidiu accadutu ssu luni à sera versu 7 ori è mezu in Aiacciu, nant'à u parking d'una residenza quartieru San Ghjaseppu. Marc Antoine Nicolai, 50 anni, hè statu feritu d'una manera murtali dopu à parechji tiri. Sicondu i primi elementi racolti, un'arma di caccia è una pistola sariani stati utilizati, ciò chì impegna di fatti parechji autori. A vittima era cunnisciuta da a ghjustizia ; ci sò audizioni in corsu. Da un'antra banda, una vittura hè stata ritrova brusgiata ssu marti da mani trà 5 ori è mezu è 6 ori in Alata. Si pudaria trattà, sicondu u prucuratori di a Republica d'Aiacciu Eric Bouillard, di quillu chì saria ghjuvatu à i malfattori ; verifichi sò rializati.
Sur le même sujet
