Le Direct

Haute-Corse : installation du Comité Local de Cohésion Territoriale pour fluidifier le travail entre l'État et les communes

Vennari, in prisenza di u prifettu llu dipartimentu françois ravier, hè statu stallatu u Cumitatu Lucali di Cuisioni Tarrituriali llu Cismonti.

T’hà par ughjittivu di prupona suluzioni pà l’accunciamentu llu tarritoriu.

Iss’urganismu veni a rinfurzà a dinamica nata da a criazioni di 28 posti d’ingigneri tarrituriali, chì tocca à a cuurdinazioni lli CRTE signati in certi cumunità di cumuni, à u numericu, o à i picculi cità di dumani.

D’altrondi, i capiprughjetta lli CRTE si riunisciarani da quì à pocu, da cuurdinà  u so impegnu. Ci sarani trè gruppi di travaddu, cù l’eletti lucali è i prisidenti d’ECPI cuncirnati da issu Cumitatu Lucali. Ci si parlarà d’acqua, di risistenza è d’ecunumia.

Steti à senta à françois ravier, u prifettu llu Cismonti.

Trà i prisenti, c’era Ange-Pierre Vivoni, merri di Siscu è prisidenti di l’associu lli merra llu Cismonti.

Puri filicitendu si di a nascita d’issu cumitatu, vurria iddu ch’iddi ci si impegnini tutti i merra llu dipartimentu, ancu quiddi lli cità maiori. Rigreta ancu uni pochi d’assenzi, com’è quidda di l’agenza di l’acqua.

Ange-Pierre Vivoni dici chì i cumuni devini prufittà di i vii finanziarii aparti da u statu, è ch’idd’ùn devini avè paura d’indibità si un pocu, masimu ch’in u dipartimentu sò pochi i cumuni ad avè debiti, è chì l’invistimenti sò pochi.

Steti lu à senta.