Haute-Corse : Démolition d'office d'une habitation
(A ridazzioni d'Alta Frequenza) - In un cumunicatu, u prifettu llu Cismonti faci sapè ch’iddu hà dumandatu a distruzzioni d’una custruzzioni fora di legi à usu d’abitazioni, fatta senza permessu in cor’d’un situ rimarchevuli, quiddu di a Tanghiccia, à nantu à a cumuna di Lucciana. Dici u prifettu ch’issa casa hè stata rimissa in istatu, calchì annu fà, è senza permessu. In supr’à più, a casa si trova in a stesa d’un pianu particularu d’intarvinzioni, parvia lla prisenza d’un centru di gasu classificatu Seveso 2, è dinò in un locu à risicu di forti pieni. Dici u prifettu ch’issa distruzzioni intarveni dopu à parichji prucidimenti di custrinta ch’ùn ani avutu risultati
