Hausse des accidents de la route : répression et sensibilisation sont nécessaires selon les autorités
Da quand’idda hè cumencia l’annata, 18 parsoni sò morti pà issi stradi llu Pumonti, ch’erani motociclisti par più di a mità.
Da luttà contru à issa crescita di l’accidenti stradali, a pulizza municipali è a pulizza naziunali ani fattu insemi virifichi à nantu à a strada lli Sanguinarii, in Aiacciu.
In a cità impiriali, l’accidenti curpurali di i dui roti muturizati sò crisciuti di 160 %.
Issi dui roti, d’altrondi, c’entrini par 65 % in l’accidenti di u 2022.
Tandu, à quissi, li si porta un’attinzioni particulara, chì da culandi à issi sciffri, ci sò i situazioni dramatichi pà i famiddi, è i viti arruvinati.
Steti à senta à Julien Colus, u novu dirittori di a DDSP in Aiacciu.
U sicritariu ginirali lla Prifittura llu Pumonti era prisenti. Hà dittu tuttu u so impegnu par luttà contru à issu casticu. Ma par ghjunghja ci, viaghjani insemi riprissioni è sinsibilisazioni.
Steti à senta à Pierra Larrey, u sicritariu ginirali lla Prifittura llu Pumonti.