Handball (Coupe de France) - Le GFC Ajaccio recevra le Paris Saint-Germain le mois prochain !
(A redazzioni d'Alta Frequenza) - A scelta à l'imbusca di l'ottesimi di finali di a Cuppa di Francia di handball hè stata fatta ssa dumenica. U GFC Aiacciu, club di Naziunali 2, u quattriesimu nivellu di u hand francesi, chì hà criatu a surpresa eliminendu mentri u ghjiru scorsu a furmazioni di prima divisioni d'Ecchisi, hà da scuntrà torna una squadra di prima trinca. In fatti, l'Aiaccini ani da riceva u Parighji Saint Germain, squadra di stars cù certi elementi chì sò cunsidarati com'è fendu parti di i ghjucadori i più boni di u mondu. Una partita di sognu pà u GFCA, chì sarà urganizata u 7 di farraghju.
